بص الاول حط البن في كنكة ضيقة من فوق ويفضل تكون نحاس بعد كده حط ميه ساقعه وحاول ترجها كويس او تقلبها بالمعلقه لحد ماتحس انها دابت في المية الي حد ما لان الميه الساقعه هتخلي البن مكلكع شوية
كل ده من غير ماتحط سكر هات بقي غطا صفيح بتاع علبة سمنه وحطة علي اصغر عين في البوتوجاز ووطي النار وحط عليها الكنكة وقلبها لحد البن مايدوب كله
بعد كده ارفعها وحط السكر وقلبها كويس وافضل متابعها علي النار لحد ماتحس انها بدات ترفع لفوق شيلها وقلبها بالمعلقه
حطها تاني وسيبها ترفع للاخر وشيلها وصب نصها في فنجان او كوباية بس تكون كوباية ضيقه من تحت وواسعه من فوق ورجع نص الكنكه تاني وسيبها ترفع للاخر وصبها قبل ماتنزل هتلاقي الوش بطول الفنجان والقهوة مستوية وطعمها حلو
بالهنا والشفا وادعيلي ولو عندك سبرتاية يكون افضل واحسن فنجان قهوة بيكون معمول علي الرمل السخن